vinnivinn

Jæja, prófin búin og tókust bara ljómandi vel. Ég er byrjuð að vinna, nánar tiltekið í apóteki. Þangað kemur mikið af krúttlegu gömlu fólki. Ég er ennþá að venjast því að vinna 9 tíma vinnudag standandi í fæturna, er alltaf alveg rosalega þreytt á kvöldin.
Annars líst mér bara mjög vel á sumarið framnundan, það sem planað er hingað til er brúðkaup hjá Stínu frænku, útskrift 16. júní (engin veisla, bara fínt út að borða með familíunni), humarhátíð á Höfn og Parísarferð í ágúst. Svo ætla ég líka að vera dugleg að hlaupa… kom sjálfri mér á óvart um daginn og tókst að vakna eldsnemma og fara í ræktina fyrir vinnu, þvílíkur hressleiki!

Annars er ég bara fullkomlega andlaus og þreytt, þetta er bara svona status-blogg. Bleeee…

Þú veist að þú ert búin að vera of lengi í prófum þegar…

… þú ert búin að fullkomna listina að dansa sitjandi.

Og þú bloggar um það.

Svalleiki

Hvílík svalheit… og gott lag líka.

Ég er alveg einstaklega góð í því að ,,uppgötva” hljómsveitir ca. ári eftir að þær koma til Íslands, mér er bara algjörlega fyrirmunað að vera hipp og kúl.
Þið ættuð bara að sjá prófahúfuna sem ég er með…
Bara eitt eftir, sem skal massað á þriðjudaginn!

Í gær…

… tókst mér að troða frasanum ,,…en Adam var ekki lengi í Paradís” inn í ritgerð um bólgueyðandi steralyf og ágæti þeirra.

Hugmyndir óskast að góðum frösum/orðum til að troða inn í næstu ritgerðarspurningar á mánudaginn…

Hot or not?

Hot: tetracýklín, piperazine og lindane
Not: Andmetabólítar og allir efnaferlarnir tengdir þeim og helv. cefalósporínin sem heita öll næstum því það sama

Hot: Grænt te
Not: Kaffi

Hot: Dökkt gæðasúkkulaði í litlum skömmtum
Not: Bland í poka í kílóavís

Hot: Að verða heimavinnandi ómenntuð húsmóðir með einn kall til að sjá um (fengi mér kannski hund til að hafa meira að gera)
Not: Að vera í prófum í háskólanámi

Lyfjaefnafræði IA á morgun, óteljandi efnabyggingar, nöfn, virkniferlar, ónæmi og aukaverkanir bíða páfagaukautanbókarlærdóms…

Piperazine

Cefpodoxime proxetil